Penyampau pengajar ke betapi enggau penanggul stres umbas iya pemayuh

Classroom. — DayakDaily.com file pic. // Photo: Pixabay

KUALA LUMPUR, Ogos 29: Sebengkah pansik ti dipejalaika Seksyen Psikologi enggau Kaunseling Opis Menteri Pelajar tetemuka 4.4 peratus ari 48,258 responden tauka urung 2,000 iku pengajar ke bisi penanggul stres ba tikas jelan iya peninggi, pia ku Aum Dewan Negara dipadah kemari.

Menteri Pelajar Dr Maszlee Malik madah, entara kebuah penanggul nya nyadi iya nya ketegal pekara ruang bilik, pekara wang, tusun pengawa tauka tating pengawa, kurang landik ngereja pengawa sereta enda dilatih mutarka penanggul stres.

Ku iya, dikena mutarka pekara nya opis menteri iya bisi nyendiaka kaunselor ke berejister enggau Lembaga Kaunselor Malaysia ke gawa ba Opis Pengatur Pengawa Pelilih Menua ngambika ulih mantu bala pengajar tu lalu meri kaunseling.

Taja pia, penyampau kaunselor nya, empai chukup lalu ngarapka nya ulih ditambah.

Iya nyaut tanya Datuk Zahari Sarip ke deka nemu statistik pansik enggau pengamat bala pengajar ke diatu bisi penanggul stres sereta runggu, enggau chara opis menteri pelajar mutarka penanggul nya. — DayakDaily