KUCHING, Dis 15: Sukan Sarawak (SukSar1) udah dilancharka Menteri Dagang Temuai, Art, Main Asal, Nembiak Lumba enggau Main, Datuk Abdul Karim Rahman Hamzah ngarika Kepala Menteri, Datuk Patinggi Abang Johari Tun Openg, lemai kemari.
Direktor Majlis Sukan Negeri, Dr Ong Kong Swee madah, pekit nya diidupka baru ke diatur pengelama empat hari, mungkur 882 atlit, ti betatam ba Universiti Malaysia Sarawak.
“sida ngarika empat zon di negeri tu i deka besemekih dalam 18 lumba enggau main, nyengkaum empat lumba enggau main para.
“Kitai ngarapka semua atlit biak tu naka ulih mandangka pengelandik kelimpah kerejasama enggau disiplin ke tinggi dalam pekit nya.
Pekit tu ke penudi endar diatur dalam taun 1990 betuju ngiga atlit pelapis ti deka dibantaika dalam Sukan Malaysia 2018 enggau 2020. — DayakDaily
