SIBU, Jun 13: Pengempu tanah Hak Adat Bumiputera (NCR) di Ulu Ngemah, Kanowit, kemari mantah pemansang ke digaga ba tanah sida ke mungkur pemesai 16,000 hektar laban ku sida, nya semina siti chara dikena ngereja pengawa berimba kayu ba kandang endur nya. Kenu ku sida, naka ke diath sida empai meri pemendar ngagai sesapa ti nguji ngepunka program pemansang nya endur naumbuhka dandang kebun nyiur enggau sawit.
“Beberapa orang diperchaya ari sebuah kompeni kayu batang datai ke menua nya lalu nhiga orang ke ngempu tanah ngulihka sain jari sida ngambika kayu ulih ambi ari kandang menua baka Lakah, Sepali, Junan, Guai, Empurau, Pasai, Pang enggau Semujan di Ulu Ngemah.
“Utai ke dikeirauka kami diatu iya nya bisi sekeda sida tu deka nguna sain jari palesu ngambika pengawa berimba kampung nya ulih dipunka, ” ku chairman komiti pemelanja Ulu Ngemah Thomas Laja.
Thomas, ke mega chairman ranting PKR Kanowit, madah munyi nya ba aum media ditu kemari.
Bisi kelai sida nguji ngeruga ke ditemu lima hari sebedau pengerami Hari Gawai empai lama udah lebuh siku ari peranak rumah panjai nya ngasu ngagai kampung ke besemak enggau siti tanah Iban di Ngemah Tengah sereta tepedaka sekeda pun kayu udah ditanda ngena kain mirah enggau chat biru, ku iya. — DayakDaily
