Pengawa manah raban PVATM tetap dikenang belama

Hasbi Habibollah. Photo sourced from http://www.parlimen.gov.my

LIMBANG, Mac 14: Pemanah pengawa ti udah dikereja Kaban Gerempung Veteran Angkatan Tentera Malaysia (PVATM) ti udah berambun nyawa ngenanka menua ari kominis tetal dikenang belama.

MP Limbang Hasbi Habibollah madahka pengelikun menua ti diasaika rebak baru diatu asil pengawa dikereja kaban PVATM.

“Semina meri twrima kasih aja enda umbas laban sida udah berambunka nyawa,” ku iya ba Aum Besai PVATM Pampang Limbang sereta nyuaka kad nyadi kaban gwrenpung nya ke diatue ba Dewan Bunga Raya diu kemari.

Sama bisi ngulu aum nya, ADUN Batu Danau Paulus Palu Gumbang, Pemancha Kapten Pinchin Hendry Hasyim, Chairman PVATM Junaidi Kamit enggau kaban PVATM Limbang.

Ku Hasbi, pengawa ti udah dikereja raban PVATM semampai diakun perintah kelwbih agi ti ngetanka menua ke alai pengelikun nya udah diasaika menua ngelama tu.

Ku iya, kelimpah sanggup berambunka nyawa ketegal sayauka menua, raban vetwran mega nyadi perintis nyapai penyulut ti diasaika semua kaban gerempung nya diatu.

Diatu PVATM Limbang ngembuan 94 iku kaban ke berejister.

Ba pengerami nya, Hasbi bisi ngungkupka belanja RM10,000 lalu Paulus meri RM5,000 ngagai PBATM Limbang. — DayakDaily