KUCHING, Ogos 2: Pengarang drama ke diambi ari novel ‘Jangan benci Cintaku’ (JBC), siku lutur perubat, ke berasal ari Bintulu, Sarawak.
Nama endar pengarang ke beumur 32 taun nya, iya nya Dr Emelyne Bani anak Jam.
Iya nguna nama gelar Emy Roberto ba pengawa ngarang diatu benung gawa ba seksyen Pusat Pansik Klinikal, Sepital Queen Elizabeth 2 di Kota Kinabalu.
“Aku enda nyangka drama Jangan Benci Cintaku (JBC) nyadi trending lalu berengka ari nya aku nerima mayuh timbal ari orang ke meda darama nya,” ku iya.
Pengudah dikarang dalam taun 2012, novel nya udah ditandu chelak beberapa kali.
Drama nya diatu benung ditayang ba TV3 nengah slot Akasia jam 7 malam.
Dr Emy berengkah regas ngarang kenyau ari iya ke agi di universiti, seraya madahka pengiruh enggau pengawa ninting hari nyadj lutur enda nanggul iya ngarang novel ke setipak enggau peneka pemacha.
“Nya bepun ari pengerindu macha maya nya lalu diperansang laki iya ngarang utai bacha kediri empu,” ku iya.
“Tebal agi bup dikena matak pemacha ti dikarang iya baka cherita pasal pengawa besulu enggau penyerekang dalam ruang bilik,” ku iya.
Emy diatu benung dalam perambu ngarang siti agi novel ke disadang tembu kena bulan Mac taun baru ungkup Pesta Bup Entaransa Kuala Lumpur. — DayakDaily
