KUCHING, Dis 7: Penerebai keterubah antara Pontianak (Kalimantan Barat) enggau Miri (Sarawak) deka ditumbuh nengah servis penerebai ti dipejalaika Xpressair, sebuah kompeni penerebai ari Indonesia.
Penerebai antara kedua-dua menua nya deka berengkah Dis 12 tu.
Menteri Muda Dagang Temuai, Art enggau Main Asal Datuk Lee Kim Shin madah, keterubah Xpressair semina nyendia penerebai dua kali seminggu.
“Penerebai tu ukai semina ngemudah pejalai rayat kitai enggau Indonesia entara Miri enggau Pontianak, tang mega rayat Brunei ke alai sida ulih datai ke Miri sereta nepan bilun Pontianak.
Ku Lee, pengerami deka diatur ungkup penerebai keterubah Xpressair ari Pontianak ti disadang sangkai di Miri jam 4 lemai, 12 Disember ke deka dipenyadika Menteri Dagang Temuai, Art, Main Asal, Nembiak Lumba enggau Main Datuk Abdul Karim Rahman Hamzah.
“Kami ngarapka penerebai tu ulih panjai lalu ulih nambahka penyampau penerebai dudi ila. — DayakDaily
