Penemuai KM ngagai Makit sentral Sibu bisi mai berita manah

Datuk Patinggi Abang Johari Tun Openg. — DayakDaily.com file pic

SIBU, Mei 2: Penemuai Kepala Menteri, Datuk Patinggi Abang Johari ngagai Makit Sentral Sibu pagi tu tadi udah mai berita manah ngagai bala orang ke bejual ba makit nya.

Diatu bisi urung 1,572 iku ke bejual ba Makit Sentral Sibu nya.

Iya udah ngemendarka ungkup belanja RM 3 juta dikena ngemanahka Makit Sentral Nya.

Ba program walkabout nya, Abang Johari disempulang bini iya Datin Patinggi Datuk Juma’ani Tun Tuanku Bujang, Menteri Dagang Entarabansa enggau E-Dagang, Dato Sri Wong Soon Koh, Menteri Muda ba Opis Kepala Menteri (Pansik Sains & Bioteknologi) Dr Annuar Rapa’ee serwta chalun BN Parlimen Sibu enggau Lanang, Dato Andrew Wong Kee Yew enggau Kelvin Kong.

Ku iya, makit nya patut endar dikemanah laban makit nya semampai ditutu mensia mayuh ke nemuai ngagai Sibu nyengkaum peranak dia empu ke bebelika sayur enggau barang dia.


Nengah awak nya, kepala menteri enggau bini iya lalu bebelika sayur ba makit nya seraya bekelala lalu begulai, berandau enggau bala orang ke bejual ba makit nya. — DayakDaily