Pemutus deka nukar status IPG ngagai politeknik, Kolej Vokasional deka diperunding baru

Lecture. — DayakDaily.com file pic. // Photo: Pixabay

KUALA LUMPUR, Ogos 30: Opis Menteri Pelajar seka beratika baru pemutus ke sebedau tu ti deka nukar status semilan ari 27 buah Institut Pematih Pengajar (IPG) ngagai politeknik enggau Kolej Vokasional.

Sapit Menteri iya Teo Nie Ching madahka opis menteri iya akan deka berundingka baru penemu semua ke bekaul sebedau siti pemutus digaga.

“Diatu, kitai bisi 27 IPG enggau kapasiti 31,000 iku nembiak, tang enrolmen ke diatu semina bisi 13,000 iku nembiak tauka 42 peratus kapasiti aja ke diisi.

Perintah ke sebedau tu nengah aum enggau bala Menteri kena 24 Mei 2017 ngambi pemutus deka nukar IPG ke diatu ngagai Sistem Pelajar enggau Latihal Teknikal sereta Vokasional (TVET), lalu kami deka beratika pekara tu baru,” ku iya ba sesi tanya saut betulis Aum Dewan Negara sehari tu.

Iya nyaut tanya Senator Alan Ling Sie Kiong ke deka nemu sekalika perintah deka majakka pemutus nukar status IPG Rajang enggau IPG Miri di Sarawak. — DayakDaily