SEMATAN, Mei 2: Pengingin peranak Kampung Siru Melayu ditu ti dekaka siti jematan untuk semin deka nyadi nyata pengudah perengkaguna nya tembu endar ila.
Jematan ke berlungkus RM5.74 juta nya sigi lama udah dianti peranak genturung pendia jya ke selama tu bepanggai ba jematan kayu.
Chalun Barisan Nasional (BN) Parlimen Santubong, Datuk Seri Wan Junaidi Tuanku Jaafar madah, projek nya udah lama dianti peranak dia ke deka nyadi batang jalai nyambung Genturung Pendiau Siru Melayu ngagai Genturung Pendiau Sebat Pueh.
“Nya mega deka ngemudahka jalai peranak dia ngagai Jalai Besai Pan Borneo enti.udah tembu endar ila.
Tu semaya ti dikeamatka BN ke pemaik enggau pengelantang rayat,” ku iya lebuh bejadi Jematan Siru Melayu sehari tu tadi.
Pengawa ngaga jematan nya berengkah kena 1 Oktober 2015 lalu tembu endar kena Mac 19 tu tadi.
Sama bisi datai Kaban Kunsil Negeri (ADUN) Tanjong Datu, Datuk Jamilah Anu. — DayakDaily
