SIBU: Perengkaguna dikena nyaga pengerai ke bekualiti tinggi ti dikemisi ba sekeda sepital peribit ditu nyadi pematak ke pemadu baru ti nambahka penyampau penatai temuai ti berubat ke Sarawak, ku Kepala Menteri Datuk Patinggi Abang Johari Tun Abang Openg.
Ku iya, nitihka raban temuai ke datai berubat kitu, kelimpah kualiti servis perubat ke bekualiti tinggi ti setanding di Singapura, rega bayar ke dipinta ba sekeda sepital peribit di Sarawak mega nitihka pematut.
Bisi penambah penyampau penatai temuai ari menua sepiak, Indonesia kelebih agi Kalimantanke berubat sereta nyaga pengerai di beberapa sepital peribit di negeri ini, ku iya ti nadai madah penyampau nya enggau nyentuk.
“Semua penyampau temuai ke datai ke Sarawak (taun siti nyin) manggai 4.8 juta orang,” ku iya lebuh bejaku bejadi Festival Main Asal Borneo (BCF) ke diatur Majlis Perbandaran Sibu (SMC) di Dataran Sibu ditu, demalam. BCF diatur berengkah ari 19 ngagai 28 Julai.
Abang Johari madahka iya arap endar penyampai temuai nya deka majak nambah ukai semina ketegal beliau kualiti perubat enggau nyaga pengerai ke bisi ba sekeda sepital peribit di Sarawak nyengkaum di Sibu, Sarawak, mega ngembuan mayuh palan ngelantangka ati sereta daya idup enggau main asal ke nyelai. — DayakDaily
