Pasar Malam MBM deka berengkah beoperasi Mei 4

A night market scene. — DayakDaily.com file pic. // Photo: Pixabay

MIRI, April 18: Majlis Bandaraya Miri (MBM) deka ngidupka baru pasar malam ke nyadi palan tebilang di mengeri besai nya dalam taun 1970-an, ba endur asal iya kena Mei 4 tu.

Ku MBM, pasar malam nya deka berengkah dibuka berengkah ari pukul 5 lemai nyentuk 11 malam ba Jalai Brooke entara Pasar Central Miri enggau Pasar Perpaduan ke ditutup ngagai penguna jalai alun sekumbang jam ke bejual nya.

“Pasar malam dibuka ninting Hari Lima enggau Enam, pengawa muka nya deka dipenyadi dikena ngelaika pengidup baru pasar malam nya,” ku MBM dalam penerang nya kemari.

Ku iya, batang tuju ngidupka baru pasar malam nya endur nyendiaka siti palan ngagai orang dagang bejalaika aktiviti dagang baka gari ke udah dikena, pemakai enggau ai irup, asil utai tanam enggau pengelandik jari sereta tepa.

“Naka ke diatu bisi 58 iku orang dagang ke berejista enggau MBM bedagang ba pasar malam Miri, ke alai bayar nya semina RM 30 sebulan.


Sesapa ke bisi ati bejual taun telefon ngagai seksyen Pengerai Mensia Mayuh MBM ngerejista diri nyentukka bisi lot puang bisi diisi,” ku penerang nya. — DayakDaily

Share this article!