KUCHING, Mei 17: Parti politik di Sarawak patut numbuhka berakup dalam sebuah gempung sereta bekerejasa enggau perintah besaj dikena ngaga pemerat negeri tu, pia ku siku penganalisis politik.
Datuk Peter Minos, chairman Gerempung Warisan Bung Bratak ke mega ex-sapit ketuai pemadah Parti Pesaka Bumiputera Bersatu (PBB), madahka parti politik patut bebasaka sada rayat nengah peti undi.
“Diatu perintah besai ari baruh kuasa Pakatan Harapan lalu udah nadai tatak agi besada, kitai patut bebasaka sada rayat enggau menteri besai (Tun Dr Mahathir Mohamad) sereta perintah besai.
“Nadai kebuah kitai charut enggau menteri besai sereta perintah besai. Kitai Sarawak meseti bekerejasama enggau Putrajaya nyadi siti tim ngambika sada Sarawak dipending sereta diperati,” ku iya.
Ku Minos, parti politik di Sarawak patut berundingka chara Parti Warisan Sabah.
Warisan betuaika Datuk Seri Shafie Apdal ke nyadi kepala menteri sSabah udah nempa kerejasama enggau Pakatan maya pengawa bepilih besai ke-14.
Manah agi didinga enti parti politik di Sarawak numbuhka sebuah gempung parti politik bepelasarka Sarawak dikena nampung pengawa nyaga sereta ngelakuka Sarawak.
“Pekara tk dikemerat nyengkaum mulaika magang kuasa Sarawak dalam Sempekat Malaysia 1963, ngasaika pemisi ke mayuh agi ari asil minyak enggau gis Sarawak, nguna jaku Inggeris sereta ngintu hak ke bisi diatu ba tanah, kayu batang enggau asil pengeraja asal.” — DayakDaily
