KUALA LUMPUR, Mac 16: Atlit menua Cheong Jun Hoong enggau Pandelela Rinong Pamg bulih midul engkeraju ba renggat kedua Pekit Terjun Siri Dunia FINA di Fuji, Jepun kemari.
Seduai ngumpul 310.32 poin pengudah raun lima terejun ti ngujungka seduai bulih penuduk ketiga ba main 10m platform berirama indu ke diatur baPegung Endur Nyemerai Shizuoka Prefectural Fuji, pia ku website Gempung Nyemerai Antarabansa (FINA), www.fina.org.
Atlit China Zhang Minjie-Zhang Jiaqi mujur ngenanka midul emas ti dimenangi seduai ba renggat keterubah di Beijing, pengudah ngumpul 335.70 poin.
Atlit Korea Utara Kim Kuk Hyang enggau Kim Mi Rae bulih midul pirak pengudah bulih 311.58 poin.
Atlit Malaysia nya mujur bulih midul pirak ba main ke sama ba renggat keterubah di Beijing, minggu nyin tadi.
Seduai besemekih ba main 10m platform individu pagila lalu Nur Dhabitah Sabri deka bepekit ba main ‘ 3m papan anjal’ indu Hari Enam tu. — DayakDaily
