KUCHING, Feb 10: Ngambika rayat enda tinggal ba pemansang ekonomi digital, Pampang Nembiak Parti Pesaka Bumiputera Bersatu (PBB) deka terus mantu perintah ngerembaika ekonomi digital ngagai semua serak rayat di negeri tu.
Kètuai Nembiak Gerald Rentap Jabu madah, teknologi tu laju ngerembai lalu kitai enggai tinggal ari arus pemansang ke diatu.
“Pekara tu beguna amat dikena negapka ekonomi rayat sereta deka dipejurai ba aum lemai kemarj begulai enggau pamapang nembiak.
“Pampang nembiak mega deka nentuka Barisan Nasional Negeri menang besai ba pengawa bepilih besai ila,” ku iya ba aum media Aum Besai PBB ke-14 pagi kemari.
Ku Gerald, pampang nembiak deka begulai enggau pampang indu ba rintai mua chakah gawa ba PRU ila.
“Kami mega bisi mosyen ungkup pelajar enggau sekula repuk di menua pesisir nyengkaum kualiti pelajar,” ku iya.
Ku iya baru, pekara ekonomi nembiak mega deka dikerandau sekali tu. — DayakDaily
