KUALA LUMPUR, Jan 23: Petronas ngenukuka insiden Paip Gis Pantis Sabah-Sarawak (SSGP) di Long Luping, Lawas, Sarawak kena 10 Januari tu tadi nadai nanggul kargo gis lela asl (LNG) ke dianjung.
Petronas ba sebengkah penerang madahka nadai napi penanggul bekal gis ke diungkup ngagai mensia mayuh taja pan bekal gis ari Terminal Minyak enggau Gis Sabah (SOGT) ke Kompleks LNG Petronas di Bintulu udah diketu dikena nentuka pengelikun ba palan ke nyadi.
“Petronas pemekal LNG ti dipechaya, nadai kala enda mujur mekal gis kenyau ari taun 1983, deka neruska komitmen nya ngagai mensia mayuh,” ku kompeni nya.
Tasatti dipejalai sentang kebuah gis nya pantis benung dipejalaika Petronas bekerejasama enggau opis bekuasa sereta peranak ngelingi dikena nentuka pengelikun sida belama, ku kompeni nya. — DayakDaily
