Pengawa berandau nuntut hak MA63, masuk renggat kedua

Datuk Patinggi Abang Johari Tun Openg

KUCHING, Jan 23: Pengudah pengawa berandau ba renggat keterubah lanchar, Sarawak mujur ngemanahka sekeda hak dalam Sempekat Malaysia 1963 (MA63), diatu perintah negeri deka majakka renggat ke nangkanka nya enggau Perintah Besai.

Antara hak ti mujur dikemanah ba renggat tumu iya nya Sarawak ulih nawa individu ti ngelanggar undang-undang negeri tu.

Lalu hak ari sukut pelajar, ku Kepala Menteri Datuk Patinggi Abang Johari Tun Abang Openg, anak Sarawak ti minta tama ngagai universiti di negeri tu tau enda nengah Unit Pusat Universiti (UPU).

Kelimpah ari nya, perintah negeri mujur ngembuan komiti begulai ari sukut hak bwgulai enggau perintah besai.

Masuk renggat kedua pengawa berandau tu ngaul nuntut hak ti majak lenyau dalam MA63, ku Abang Johari lebuh bejaku bejadi Aum Pengari Parti Pesaka Bumiputera Bersatu (PBB) Zon 4 di Dewan Kompleks Islam Sarawak, ke alai iya madahka renggat kedua berengkah kena Hari Satu, mar agi lalu bagi ke pemadu mar.

Ba pengawa nuntut mulaika hak garis entara negeri bekaul minyak enggau gis, utai ke dituntut nangkanka tu bekaul pakar undang-undang.

Nya alai, ke dituntut sekali tu begunaka mayuh agi pansik silik enggau pengelandik. — DayakDaily