KUCHING, Feb 5: Orang ketujuh dirampit penyakit rabies udah midang urung pukul 4 lemai kemari, pia ku pemadah ari Sepital Besai Sarawak.
Lelaki nya beumur 59 taun asal ari Jalai Batu Kawa-Matang udah nadai pengudah dipasuk ngagai Unit Intu Siru kenyau ari Jan 25.
Bangkai niang, udah dituntut sida sebilik ngambika ditumbakka.
Kes ketup ukui nya dituku Ketuai Pengarah Pengerai, Datuk Dr Noor Hisham Abdullah kena Jan 27 pengudab peresa makmal netapka bisi dirampit Rabies kena Jan 26.
Berengkah ari Jun 30, 2017 nyentuk ke Jan 26, 2018, bisi tujuh kes rabies di Sarawak, enam kes udah nadai.
Berindik ari kes ke penudi nya, klinik ke bekaul ti enda ngeripot kes ngagai Opis Pengerai Bagi Menua udah nerima “surat tangkan”.
Pengemeran pengawa berubat di klinik enggau sepital peribit di Sarawak ku Noor Hisham, dipinta nitihka Garis Lalau Mutarka Kes Ketup Ukui enggau Jelu Bukai ngenataika kes ngagai fasiliti pengerai perintah. — DayakDaily
