Lebih setengah rumah panjai Nyipah di Sebauh angus

Firefighters. — DayakDaily.com file pic. // Photo: Pixabay

BINTULU, Feb 5: Penyampat enggau penyikar tim bomba ngerara api udah nyelamatka 27 pintu rumah panjai ari semua 63 pintu di Rumah Nyipak, Jalai Sebauh Pandan ditu demalam.

Penulung Pengarah Operasi Bomba enggau Penyelamat Negeri, Tiong Ling Hii madah, sida nerima kangau ngenyit urung pukul 9.32 malam.

“Dua injin FRT, sebuah ambulan EMRS enggau kerita 4WD ti diseretai 14 iku raban bombai dianjung ngesah penusah ari Balai Bomba dan Penyelamat Bintulu enggau Samalaju.

“Datai ba endur nya, api benung mau ngaguska sebagi ari rumah ti diuan 406 iku nya.

Ku Ling Hii, penyikar raban bomba ngerara api udah ngujungka semina 36 pintu tauka 70 peratus ari rumah nya angus.


“Pansik tumu tetemuka api nya keterubah nyadi ari pintu rumah no.9,” ku iya.

Iya mega madah, penyikar Tim Bomba Volenteer bela mantu ngerara api nya.

“Pun penusah enggau penyampau pengerugi mengkang dipansik tim forensik penusah angus,” ku iya. — DayakDaily