SIBU, Jun 24: Operasi ngiga sereta nyelamat (SAR) siku lelaki ke lenyau lebih 12 jam maya meresi paip ai graviti dalam semak enggau kampung Rumah Upong ak Medan, Sungai Pelugau di Selangau, dipejalaika sehari tu.
Penulung Pengarah Operasi Bomba enggau Penyelamat Negeri, Tiong Ling Hii madah, sida nerima ripot sentang penusah nya urung jam 9.15 malam kemari lalu enam iku raban opis nya dianjung ngagai palan nya ari Balai Bomba enggau Penyelamat Tatau.
S
“Kami udah nerima kangau ari polis penguadah bala sida lelaki nya ngaga ripot sentang pengelenyau iya.”
Ku iya, nitihka pemadah ari sida lelaki nya sebilik, iya pansut ari rumah urung jam 10 pagi kemari lalu bedarat ngelawa palan paip ai graviti di Sungai Gat.
“Iya kin ketegal deka ngaga pengawa merisi.
“Taja pia ngagai lemai kemari, iya lalu nadai mulaika diri ke rumah.”
Irauka pengelikun iya, bala sida sebilik enggau peranak rumah panjai nya lalu ngiga iya tang puntan tetemuka iya.
Operasi SAR ba hari kedua ditampung urung jam 8.30 pagi tadi. Lelaki nya dikelala enggau nama Raymond Upong, 35 taun. — DayakDaily
