OCC mantu negapka orang dagang indu

Datuk Seri Fatimah Abdullah

BETONG, Mac 29: One-Stop Collection Centre (OCC) khas ditumbuh dikena mantu orang dagang indu ngelakuka produk ba penyampau ke mayuh ngagai makit ke besai agi.

OCC tu mantu orang dagang dalam proses ngumpul, magi nitihka bansa baka snek, asil ari tasik, apong, kraf enggau ke bukai nyengkaum nyual enggau ngelaku produk bukai ari baruh siti perabung.

Menteri Pengelantang Pendiau,Komuniti, Orang Indu enggau Pemansang Anak Mit Dato Sri Fatimah Abdullah madahka opis menteri iya enggau perintah negeri nyendiaka bemacham inisiatif dikena negapka orang indu nguasa bidang dagang.

Bejaku ba Pengerami Nutup Seminar Negaoka Orang Dagang Indu Kunsil Negeri (DUN) Layar enggau Bukit Saban di Dewan Sukan Tan Sri Datuk Amar Stephen Kalong Ningkan, Fatimah madahka Samarahan dikelala nyadi OCC ke pemadu besai di negeri tu.

Ku Fatimah, OCC nya ila ulih nyaga kualiti produk ngambi nitihka standard antarabansa, ngaga pansik enggau pemansang (R&D), kelimpah ngelaku nengah Internet.


Ku iya, sub-OCC tau dibuka ba palan ke besemak enti palan nya ulih mekal produk ke chukup. — DayakDaily

Share this article!