![classroom-2787754_1920](https://i0.wp.com/dayakdaily.com/wp-content/uploads/2017/10/classroom-2787754_1920-e1507541531459.jpg?resize=696%2C452&ssl=1)
KUALA LUMPUR, Nov 9: Majlis Amanah Rakyat (MARA) semampai deka nentuka nembiak ke nyulut ti datai ari ruang bilik ke bepenatai pemisi mit (B40) enggau jelan pemesai (M40) kelebih agi di menua pesisir, dikemerat bulih pelajar sekula sekondari ke pemadu manah ba Maktab Rendah Sains Mara (MRSM).
Ketuai Pengarah MARA Datuk Azhar Abdul Manaf madah, taja pan chara minta nampung pelajar ngagai MRSM nguna sistem online, MARA seruran mantu proses peminta enggau nembiak ari pesisir sereta menua ulu.
Ku iya, ari semua 37,752 nembiak MRSM ke diatu, 23,628 iku tauka 63 peratus nembiak menua pesisir lalu nembiak ari kandang pasa bisi14,124 iku tauka 37 peratus.
“Penyampau nembiak MRSM ari raban B40 bisi 20,011 iku lalu nembiak ari raban M40 bisi 12,725 iku,” ku iya nengah sebengkah penerang.
Ku iya, jaku tuduh ti madahka MRSM enda beratka nembiak ke datai ari ruang bilik bepemisi mit enggau menua pesisir enda setipak enggau juluk asal MARA ditumbuhka, ku iya. — DayakDaily