KUALA LUMPUR, Sept 4: MYTV Broadcasting Sdn Bhd (MYTV) udah nembuka pengawa nirika 34 iti tiang pemanchar TV terrestrial digital enggau bungkur ba kandang endur ke bisi diuan orang di selampur menua ke nyapai 93 peratus naka bulan Julai tu tadi, pia ku aum Dewan Negara dipadah kemari.
Sapit Menteri Komunikasi enggau Multimedia Eddin Syazlee Shith madahka MYTV ti dipadu perintah enggau SKMM kena April 2014 nya pemegai lisin nyendiaka bungkur infrastruktur ngagai servis mancharka TV terrestrial digital di menua tu, mangku tanggungpengawa penuh bejalaika projek nya nengah inisiatif nengah pelanja Private Funding Intiative (PFI).
“Nya kebuah, naka ke diatu opis menteri nya enda nanggung sebarang ungkus ngaga infrastruktur platform TV terrestrial digital ba pengawa ngangkatka kualiti panchar MYTV.
“Pengawa mancharka TV terrestrial digital enda diketu laban beratika projek nya ulih meri bemacham pemaik ngagai perintah enggau rayat,” ku iya.
Iya nyaut tanya Senator Sopiah Sharif sentang serbis mancharka MYTV nyengkaum ungkus ke ditanggung naka ke diatu. — DayakDaily
