KUCHING, Nov 5: Mosyen ke bekaul enggau Sempekat Malaysia 1963 (MA63) deka dibantai ba Aum Kunsil Nengeri (DUN) berengkah 8 nyentuk ngagai 17 November 2017.
Speaker Kunsil Nengeri (DUN)Datuk Amar Mohd Asfia Awang Nassar madah mosyen nya deka dibacha Sapit Kepala Menteri Datuk Amar Douglas Uggah.
Mosyen nya ku iya, deka disukung Sapit Kepala Menteri Tan Sri Datuk Amar James Jemut Masing.
Nitihka penerang Asfia, mosyen asil penemuai tim undang-undang Sarawak ke London ti mansik penerang MA63.
“Taja pan pia, aku nadai penerang ke silik sentang mosyen nya.
“Mosyen dibantai ngambi bulih sukung ari DUN ba sentang Akta Kandang Tasik enggau pekara ke bekaul,” ku Asfia di indu Opis PBB di Jalai Bako, Kuching.
Empat undang-undang mega deka dibantai ba aum serak tu.
Entara ti deka mantai undang-undang iya nya Menteri Pelajar, Sains enggau Pansik Teknologi Dato Sri Michael Manyin, Menteri Pekara Wang kedua Dato Sri Wong Soon Koh enggau Sapit Kepala Menteri Datuk Amar Awang Tengah Ali Hasan. —DayakDaily
