Mikrocip pintar deka dilekat ba ukui suku keterubah taun tu

File picture. Picture source: Pixabay

KUCHING, JAn 4: Perintah Negeri eka mantaika chara mikrocip pintar dikena nyidi ukui tupi enggau ukui ngampar di negeri tu ba suku keterubah taun tu.

Ketuai Pengerai Mensia Mayuh, Opis Menteri Kaunsil Kandang Menua enggau Pengawa Berumah, Dr Cheong Yaw Liang madahka chara deka dipunka di Bau ba suku keterubah taun tu, nyadi projek perintis.

“Bisi 2,000 chip deka dilekat enda bebayar lalu pengempu ukui nya meseti mai jelu tupi sida ngagai opis nya ngambika dibuntas mit ,” ku iya lebuh dikerandau di Matang kemari.

Ku iya, teknologi nya ukai baru laban udah dikena ba sekeda menua bukai.

“Nya beguna amat dikena ngerikod penerang ukui nya nyengkaum dirampit penyakit Rabies kelimpah ngemudahka proses nyidi” ku iya. — DayakDaily