KUALA LUMPUR, Nov 20: Internet nyadi pekara penentu dalam pengawa bepilih laban beratika politik enggau kimpin politik diatu tebal agi bepanggai ba media online enggau elektronik, pia ku Menteri Komunikasi enggau Multimedia.
Datuk Seri Dr Salleh Said Keruak ba tulis ke pemadu baru dalam dalam blog iya madah, pengemeran politik berengkah nguna Internet ba taun 1998 dikena nimbal penemu mayuh, tang 10 taun udah nya, rayat Malaysia nemu pasal empas internet dikena ngulihka undi.
Salleh ke mega Tukang Pekara Wang Umno lebuh ke ngambi jaku ti kala disebut jutawan media Rupert Murdoch ti madahka nyerumba taun 2050, media deka nyadi nengah online tauka elektronik magang, lalu media chelak nadai agi maya nya ila.
“Ke benar iya utai ke nyadi nya dipelaba jauh tumu agi ari taun 2050,” ku Salleh.
Ku iya, tetiap iku kelebih agi industri media, patur nyingkang seriris enggau ubah dunya sereta landik ba internet.
Kitai mega anang ngamahka integriti media online nengah penambah berita bula laban nya nempa penanggul defisit pengarap ke serius,” ku iya
Salleh mega madah tetiap iku patut nentuka integriti media online enda luya ketegal ulah seraban orang. — DayakDaily
