KUCHING, April 4: Presiden parti Amanah, Mohamad Sabu sekali agi ditagang tama ke Sarawak.
Ku penerang Sekretari Politik Mohamad Sabu, Mohd Azhar Mat Dali madahka iya sangkai ba Padang Bilun Kuching pukil 9.30 pagi kemari ketehal deka ngulu aum tang ditagang tama lebuh datai ba palan beperesa imigresen.
Ku Azhar, Mohamad ti tebilang enggau nama kangau’Mat Sabu’, udah dikemendarka tama ke Sarawak minhhu siti nyin tafi ketegal ngulu sebengkah program di Bintulu.
Iya udah ditagang tama ke Sarawak kenyau ari bula Mac taun 2016, maya pengawa bepilih kunsil negeri.
Perintah Sarawak udah nagang sekeda orang ari tama ke Sarawak sebedau nya.
Entara orang ke ditagang tama ke Sarawak baka Mandal Presiden PKR Nurul Izzah enggau Tian Chua, Ketuai Indu PKR Zuraida Kamaruddin, MP Saputeh DAP Teresa Kok, poengelicha ba jalai pengarap Ridhuan Tee Abdullah, Ketuai baju mirah enggau Umno Sungai Besar, Jamal Md Yunos enggau siku aktivis ke mega luyar Ambiga Sreenevasan.
Perintah Sarawak bisi kuasa ba autonomi imigresen dikena nagang orang tama ke negeri tu enti tama ketegal pengawa politik. — DayakDaily
