KUALA LUMPUR, Mac 31: Pengerami ngelancharka manifesto pengawa bepilih besai Barisan Nasional (BN) deka diatur kena malam Hari Enam ti deka datai (April 7).
Pengerami ti berambaika jaku ‘Bersama Barisan Nasional Hebatkan Negaraku’ nya deka berengkah jam 8.00 malam di Axiata Arena, Bukit Jalil ditu.
Pia ku nitihka surat ke disain Sekretari Besai BN Tengku Adnan Tengku Mansor ti dikerembaika.
Chairman BN ke mega Menteri Besai Datuk Seri Najib Razak disadang deka bejadi pengerami nya.
Tanya diatu, sekalika pengawa ngelanchar nya diatur pengudah parlimen diketu tauka sebedau nya.
Penganalisis politik melabaka pengawa bepilih besai ke-14 ti dipadahka sida apai semua pengawa bepilih deka diatur sekalika kena Mei 5 tauka Mei 10.
Sebedau tu Pakatan Harapan enggau PAS udah ngelanchar manifesto sida.
Manifesto BN dijangka deka mungkur mayuh macham pekara nyengkaum ekonomi, ungkus pengidup, pengawa berumah, peluang kereja enggau pelajar. — DayakDaily
