KUCHING, Feb 11: Pangku pengawa kanan siti tanggungpengawa ke berat, kelebih agi dalam sesebuah parti ke kering sereta tegap baka kuat Parti Pesaka Bumiputera Bersatu (PBB), ku Dato Sri Michael Manyin.
Iya bejaku munyi nya ba sebengkah penerang media keterubah pengudah dipilih mangku pengawa Mandal Presiden Kanan PBB ditu kemari.
Iya ke menang darat ngerebut pangku pengawa nya madah, Mandal Presiden Kanan ukai pengawa ke mudah dikena nentuka suatu parti majak kering serwta tegap.
“Nya mega tanggungpengawa berat seriris enggau peneka ketuai ti deka meda negeri jampat nyingkang bulih pemansang,” ku iya.
Manyin ke diatu Menteri Pelajar enggau Pansik Teknologi dianggap nyadi ketuai ti angkun ke parti udah nyadi pengari rayat pengelama 22 taun ari taun 1996.
Meri terima kasih ngagai pengari enggau ketuai parti ketegal perchaya sereta milih iya nyadi Mandal Presiden Kanan PBB ungkup pampang Pesaka. — DayakDaily
