KUCHING, Julai 25: Malaysia ngembuan penyampau pengidap penyakit kemi manis tauka diabetes ke pemadu mayuh di Asia lalu entara ke pemadu mayuh di dunya nangkanka Arab Saudi, pia ku chairman eksekutif Institut Diabetes Kebangsaan (NADI) Datuk Dr Mustaffa Embong.
Ku iya, 2.5 juta iku orang besai tuai di Malaysia ke beumur 18 taun ke atas ngidap penyakit diabetes lalu statistik dalam rikod NADI mandangka nyuaka setengah ari rayat Malaysia enda nemu diri ngidap diabetes.
“Tebal agi diabetes Bansa 2 nadai mandangka sebarang kelai, nyentuk ke sida tekena penyakit tungkul ati, strok, penanggul buah pinggang, nyadi buta sereta meseti ngereja amputasi,” ku iya.
Iya madah munyi nya ngagai pemberita maya ba Aum sereta Randau Besai Komplikasi Diabetes ke-10 (DCOM 2018) ditu kemari.
Ku Dr Mustaffa, diabetes sebengkah ari penanggul oengerai ke dikelala nyadi ‘pembunuh senyap’. — DayakDaily
