Kuing RMK11 benung dilangkar baru — Azmin

Datuk Seri Mohamed Azmin Ali (photo sourced from his Facebook account)

KUALA LUMPUR, Julai 25: Perintah benung ngelangkar baru Langgur Pemansang Malaysia Lumpar ke-11 (RMK11) ke deka dipejurai ba Parlimen Oktober tu ila.

Menteri Hal Ehwal Ekonomi, Datuk Seri Mohamed Azmin Ali madahka kuing baru pelin pemansang nya nyengkaum bejalaika polisi baru enggau polisi ke diatu ti deka ditambah manah bepelasarka guna ekonomi ke diatu.

Iya madah munyi nya ba saut betulis ngagai tanya Datuk Seri Ikmal Hisham Abdul Aziz (BN-Tanah Merah) ke deka nemu sentang gaya program ke deka dipejalaika dikena ngangkatka tikas pengidup orang Melayu baka ke dipadah Menteri Besai sebedau tu.

Ku Mohamed Azmin, polusi enggau program dikena ngamgkat sereta negapka tikas sosio ekonomi orang Melayu enggau Bumiputera deka diterus ke pemaik raban raban nya.

“Taja pia nyadi perintah ti ibuhka rayat, pengawa ngagih ekonomi meseti dipejalaika enggau lurus ngagai semua rayat nitihka guna sida ba pengawa ngintu hak sida ke dijamin Konstitusyen. — DayakDaily