Lebih 110,000 raban soldadu darat deka ngundi tumu Hari Enam tu

Ballot box. — DayakDaily.com file pic. // Photo: Pixabay

KUALA LUMPUR, Mei 3: Bisi 110,006 pemilih berejista ari raban enggau Pemesai Soldadu Darat Malaysia di serata menua deka ngundi tumu ba Pengawa Bepilih Ke14 (PRU14), Hari Enam tu.

Panglima Soldadu Darat, Tan Sri Zulkiple Kassim madahka penyampau nya nyengkaum pemesai ke gawa ba garis entara menua.

“Ari penyampau nya, 91,156 pengundi ba kem sida empu lalu ari luar kem bisi 12,476 iku raban enggau pemesai ke bisi kaul enggau operasi di menua tasik,” ku iya.

Ku iya, raban enggau pemesai ke tau ngundi nya deka ngundi ba kem ti udah ditetapka.

“Aku ngarapka proses ngundi ke bisi ngaul raban Soldadu Darat nya lanchar,” ku iya madah ngagai pemberita pengudah Baris Nyuaka Pangkat Besai Rejimen Askar Jurutera Diraja (RAJD) sehari tu tadi.


Ba pengerami ti keterubah endar diatur nya, lima iku pemesai enggau 376 iku raban soldadu lain-lain pangkat ke bukai bisi enggau ba atur pengawa nya ti dipejalaika serwta ba tiga palan iya nya di Kem Batu Kentomen, Jalai Ipoh ditu, Kem Lok Kawi, Sarawak enggau Sabah.

Sama bisi datai, Sapit Panglima Soldadu Dara Lt Jeneral Datuk Seri Panglima Ahmad Hasbullah Mohd Nawi, Panglima Medan Barat Soldadu Darat Lt Jeneral Datuk Azizan Md Delin.

Komiti Pengawa Bepilih (SPR) sebedau tu ngenukuka PRU14 deka nguna rejista pemilih suku keempat 2017, ke sepenyampau 14,940,624 iku pengundi.

Ari.penyampau nya, 14,636,736 pengundi pemilih biasa, 300,225 pengundi tumu soldadu enggau bini sida serwta polis lalu 3,653 pengundi ti enda ulih ngundi di menua tasik. — DayakDaily

Share this article!