KUCHING, Jan 31: Dipelabaka urung lapan sitak Parlimen deka balat diperebutka ba pengawa bepilih besai (PRU) ke datai datai.
Ku penganalisis politik, maka ke diatu antara sitak angat ti deka diperebutka baka Saratok, Sibu, Sarikei, Miri, Puncak Borneo, Baram enggau Selangau.
Saratok diatu nenung diperati mensia mayuh laban penyandang Tan Sri William Mawan agi deka ngenanka kerusi nya, taja pia PDP bebndar deka ngulihka pulai kerusi nya.
Kedua-dua piak saa bela ngemansutka penerang dalam kandang beberapa minggu ke udah.
Kemari, penyukung Mawan ba renggat nembiak redak nyengkaum beberapa iku tuai rumah panjai udah mandangka sukung ngagai Mawan ke mega Kaban Kinsil Negeri Pakan.
Ba gaya ke diatu, Mawan ditekan ngambi ngelengkaka kerusi nya ba maya populariti iya dipechaya udah majak kurang.
Penganalisis pechaya, enti penanghul nya enda diputar manah, bisi nyadi pengawa enda manah ba renggat ke baruh ti tau ngerugika Barisan Nasional.
Selangau dijangka anģat enti penyandang Joseph Entulu Belaun ditingkilka PRS.
Ku pemerati, nyema iya ditingkilka Entulu dijangka bediri nengah tikit tiket parti bukai. — DayakDaily
