KUALA LUMPUR, Jun 19: Kumpulan AliBaba udah mujur muka 36 juta pengawa puang di China naka ke diatu, kelimpah mantu bejuta-juta agi dagang mit ti udu ngerembai nengah ekonomi digital.
Penengkebang enggau Chairman Eksekutif Kumpulan AliBaba, Jack Ma, madahka bida entara model dagang Alibaba enggau model ekonomi tradisional iya nya AliBaba ngiga kaban kunsi lalu mantu sida nyentuk ke mujur.
“Kami deka mantu dagang mit enggau orng dagang biak menua tu negapka diri ngerandang makit global,” ku iya, seraya madahka bela mantu ngadaka mayuh agi pengawa puang.
Iya bejaku munyi nya pengudah pengerami bejadi opis serantau keterubah Alibaba Group Holding Ltd di Asia Tenggara ditu kemari.
Opis baru di Kuala Lumpur, udah dipenyadi Penengkebang ke mega Chairman Eksekutif Alibaba Group Jack Ma.
Kumpulan AliBaba sebuah kompeni e-dagang ke pemadu besai di China.
Ku Ma, opis nya deka nyadi palan latih alai ngelatih naka pemayuh ke bisi orang dagang biak enggau petengan (PKS) menua tu dalam ekonomi digital.
Pengawa muka opis baru nya nandaka fasa baru kerejasama strategik entara Alibaba Group enggau Malaysia. — DayakDaily
