Jack Ma betemu enggau Dr Mahathir pagi tu tadi

Handshake. — DayakDaily.com file pic. // Photo: Pixabay

KUALA LUMPUR, Jun 18: Jack Ma betemu enggau Menteri Besai, Tun Dr Mahathir Mohamad di Kompleks Perdana Putra, Putrajaya, pagi tu tadi.

Penengkebang sereta Chairman Eksekutif Kumpulan AliBaba, bisi ditu datai bejadi opis Kumpulan AliBaba di Malaysia di Bangsar South tengah hari tu.

Nya deka nyadi Platform Dagang Elektronik Dunya (eWTP) keterubah Alibaba di luar China.

Alibaba ngembuan pemerat dalam Zon Dagang Bebas Digital (DFTZ), projek infrastruktur ke betuju ngangkatka sektor e-dagang di menua tu.

Beberapa surat kabar jaku Cina sebedau tu mantaika, orang dagang tebilang Menua China nya deka betemu enggau Tun Dr Mahathir pun bulan tu.

Taja pia enda nyadi laban Menteri Besai nya fokus ngagai pengawa ngatur perintah menua dulu.

Perintah Barisan Nasional ari baruh Datuk Seri Najib Razak sebedau tu, udah nyiri Jack Ma nyadi penyanding penemu perintah dalam bidang ekonomi digital. — DayakDaily