Kpg Sg Muan nerima MRP RM60,000 ari Gerawat

Dato Gerawat Gala

MARUDI, Mei 8: Kaban Kunsil Negeri Mulu, Datuk Gerawat Gala udah ngawakka diri nemuai ngagai Kpg Sg Muan kena Hari Minggu nyin tadi.

Ba penemuai nya, iya bisi nyuaka Projek Mit Pemansang Menua Pesisir (MRP) sepenyampau RM60,000 ngagai genturung pendiau nya.

Penemuai iya ngagai rumah panjai Iban nya sigi udah lama dianti peranak rumah panjai nya.

Taja pan peranak rumah panjai ngi dibalut penyinu bekau pemidang tyai rumah sida empai lama, tang penatai Gerawat enggau raban iya tetap dikelalu ngena adat Iban.

Lebuh ke bejaku, Gerawat madahka kandang menua Puyut Nibung udah nyaup BN menang ba pengawa bepilih besai ke sebedau tu.


Iya ngarapka peranak dia tetap majakka sukung sida ngagai Barisan Nasional (BN).

Iya madahka projek nyambung bekal ai beresi ngagai kandang menua nya udah dikemendar lalu deka dipejalai dalam kandang bulan Mei tauka Jun tu ila. — DayakDaily