KPDNHEP ngeregaska inisiatif ngiri penemu numbuhka Koperasi di rumah panjai

Chong Chieng Jen

BINTULU, Ogos 31: Opis Menteri Dagang enggau Pekara Bebeli Barang (KPDNHEP) ngeregaska inisiatif ngiri penemu bekaul enggau numbuhka koperasi dikena mantu komuniti di menua nya ngangkatka ekonomi enggau tikas pengidup sida.

Sapit Menteri opis nya, Chong Chieng Jen, madahka siti ari inisiatif nya ngiri penemu ngagai peranak dia ngambika ulih ngepunka dagang mit di rumah panjai.

Penguntung ari nya mega ulih dipulaika baru ngagai komuniti dia empu, ku iya.

Ari baruh opis menteri tu, kami deka mekal barang ari sukut sabsidi tang nya ukai enda bebayar ngena ungkus ke dijual ngagai kedai runchit ngambika dijual ngagai peranak menua dia.

Penguntung ari nya deka dipasukka baru ngagai koperasi lalu ba ujung taun la, dividen ke bisi nya deka dipedua entara kaban koperasi nya, ku iya.


Nengah chara tu ulih ngangkatka ekonomi enggau tikas pengidup rayat, ku Chong. — DayakDaily