BINTANGOR, Nov 26: Kompleks Opis Perengka Pengangkut Jalai (JPJ) Sarikei ti benung digaga ke beungkus RM22 juta di Km 5 Jalai Repok, Sarikei, dipelaba tembu digaga pun taun 2020, pia ku Pengarah JPJ Sarawak Mohd Syafiq Anas Abdullah.
Ku iya, kompleks nya digaga ba tanah ti mungkur pemesai 4.85 hektar, lalu benung digaga diatu.
Ku iya, kelimpah ngaga bangunan opis, perengka guna lumba enggau main enggau palan engkah entukar ke ditan ketegal ngereja mayuh penyalah mega bela digaga dia.
“Enti udah tembu ila nya deka meri pengelantang ngagai mensia mayuh ti datai ngagai JPJ. Mensia mayuh mega nyamai datai dibanding enggau opis ke diatu ke nyuwa bangunan kedai,” ku iya lebuh ke nutup Program Satu Komuniti Satu JPJ Khas (SKSJ Khas) Meradong ba Stadium Chen Ling Mei, SMK Kai Chung kena Hari Enam tu tadi.
Bisi 2,666 pesereta ke beumur 16 taun ke atas mujur bulih lisin mai mutosikal ba program ti dipenyadi ADUN Meradong, Datuk Ding Kuong Hiing.
Sejak dipejalai ba taun 2009 nyentuk ke diatu, 35 siri program SKSJ udah dipejalaika di serata Sarawak lalu udah mujur meri lisin ngagai 21,283 iku. — DayakDaily
