IPOH, Julai 19: Komiti Negapka Pelajar Teknikal enggau Latih Vokasional (TVET) deka ngatur sesi nujah serata menua dikena ngulihka timbal ari raban ke bisi pemerat dalam bidang ke bekaul.
Chairman nya Nurul Izzah Anwar madahka sesi betemu enggau mensia mayuh deka berengkah di zon utara.
“Kami dekaka semua, apai indai ke nganjung anak ke TVET enti (tembu belajar) gaji patut, enti gaji baruh lalu institusi enda diaku, manah agi sida ngagai bidang akademik.
“Nya alai semua tu deka diambi kira laban dekaka institusi TVET nempa raban gradute ke setikas enggau ke gradute dalam bidang akademik,” ku iya madah ngagai pemberita lebuh mantaika jurai ba hari ke penudi Aum Dunya Pemikir enggau Tamadun Islam Kelima (WCIT) 2018 ke diatur Universiti Sultan Azlan Shah, ditu sehari tu.
Ngenang baru, Nurul Izzah ke mega Kaban Parlimen Permatang Pauh madah, enti TVET direformasi nya ulih ngurangka pemindah rebak baru ke mengeri. — DayakDaily
