‘Baru meseti nentuka sada Sarawak dipending Putrajaya’

Compactor. — DayakDaily.com file pic. // Photo: Pixabay

KUALA LUMPUR, Julai 19: Menteri Kereja Raya Baru Bian diatu patut pintar nyemelaka pengawa iya dalam landskap baru politik ke diatu laban semina aja ke nyadi menteri penuh dalam kabinet Perintah Besai ngarika Sarawak.

Nyadi Menteri Kereja Raya Perintah Besai, iya bisi tanggungpengawa mantu Sarawak ngemansangka infrastruktur negeri pengudah ngambi pangku pengawa nya ke suba dipegai Datuk Seri Fadillah Yusoff ari perintah ke sebedau tu.

Nyadi ketuai PKR Sarawak, meseti nentuka sada rayat Sarawak didinga Putrajaya.

Sarawak diatu diiring Gabungan Parti Sarawak (GPS) ti ditubuhka empat parti ke sebedau tu nyadi komponen Barisan Nasional Sarawak. GPS madahka gempung nya bebakih enggau Pakatan Harapan ke merintah menua.

Ku lecturer Universiti Teknologi Mara (UiTM) Samarahan, tajapan pengawa nya mar enti beratika senario baru politik pengudah Pengawa Bepilih Besai ke-14, lalu sekalika PH amat ulih bekerjasama enggau GPS, Baru tentu deka mai mayuh ubah positif ngagai Sarawak. — DayakDaily