KM: Semua pupu bansa di S’wak deka dikemansang

KUCHING: Kepala Menteri Datuk Amar Abang Johari Tun Openg madahka perintah nengeri keran deka ngemansang semua pupu bansa di nengeri tu.

“Kelimpah ngemansang bansa Melayu, kitai mega bisi perambu ngemansang baru genturung pendiau bansa China, nyengkaum di Padungan,” ku iya ba Korban Perdana Takaful Ikhlas di Kampung Patingan ditu, ensana.

Ba atur ngemansang kandang endur bansa Iban ku iya, Upper Rajang Development Authority (URDA) udah ditumbuh lalu deka ngemansang kandang endur Batang Rajang nyentuk ke Kapit.

“Highland Development Agency deka ngemata lalu ngemansang kandang endur Baram ungkup bansa Orang Ulu,” ku iya.

Abang Johari nambah , kitai semina deka ngemeratka pengawa pemansang, enda mida bansa enggau jalai pengarap.


Kitai deka nulung tetiap pupu bansa di nengeri tu, tandu iya.