KM ngungkupka RM50 juta dikena ngemanah Jalai Belaga-Menjawah

Abang Johari (seated third left) being briefed by JKR personnel on the Belaga-Menjawah Road during a visit to Belaga to attend the Christmas gathering.

BELAGA, Dis 28: Kepala Menteri, Datuk Patinggi Abang Johari Tun Openg kemari udah ngemendarka RM50 juta ke pengawa ngangkatmanah renggat keterubah Jalai Belaga-Menjawah.

Pekara nya  disebut iya ba mua mayuh maya pengerami ngintu Hari Krismas ditu ke bela digulu Kaban Kunsil Negeri Belaga, Datuk Liwan Lagang.

Taja pia, anggar Opis Kereja Raya (JKR) ungkup projek sepanjai 38 kilometer iya nya RM86 juta.

Jalai nya sebedau tu digaga nengah Program Jiwa Murni, Raban Soldadu Malaysia.

Laluh RM36 juta ku iya, deka disediaka dudi.


Abang Johari mega madah, fokus penemuai iya kia ke mega ti keterubah pengudah dichiri nyadi Kepala Menteri, iya nya ninjau sereta mutarka isu konektiviti di pelilih nya.

“Aku sinu amat meda gaya penanggul komunikasi ditu.

“Pelilih tu begunaka pelin pemansang ke sistematik dikena mutarka penanggul ditu,” ku iya.

Bekaul isu ngintu danau gaga ba tekat hidro, iya madahka siti rang undang-undang baru deka dipejurai ba Dewan Kunsil Negeri taun baru dikena ngerintis pemansang danau nya nengah chara ke sistematik ti nyadi aset dagang temuai.
Sarawak diatu bisi kuasa penuh ba tekat ai nyengkaum tekad ai Bakun ke diambi pulai ari Perintah Besai pun taun tu tadi.

Rang undang-undang nya mega ngemendarka Sarawak ngintu danau nya enggau beratus-ratus pulau ti bisi potensi nya pematak temuai, ku iya.

Sebedau pengerami nya, Kepala Menteri mendingka penerang sentang gaya Jalai Belaga-Menjawah sereta pengawa ngemanah ba mayuh bengkah endur jalai nya ke jai ketegal ampuh bah enggau tanah tusur ari JKR.

Sama bisi datai Pemangku Sekretari Perintah Negeri, Datu Jaul Samion enggau Pengarah Unit Perambu Negeri, Datu Abu Bakar Marzuki. — DayakDaily

Share this article!