KM dekaka chalun BN Parlimen Julau menang ba PRU14

Kepala Menteri Datuk Patinggi Abang Johari Tun Openg

JULAU, Mei 8: Kepala Menteri Datuk Patinggi Abang Johari Tun Openg kemari dekaka Barisan Nasional (BN) ngenanka Parlimen Julau, laban nya ulih negapka penuduk BN Sarawak ba Pengawa Bepilih Besai Ke-14 (PRU14).

Ku iya, BN Sarawak nagit menang ngelui ari 28 kerusi nyengkaum Parlimen Julau.

BN ba kerusi nya diarika Datuk Joseph Salang Gandum sereta disatup chalun Ngati Kediri, Larry Sng Wei Shen.

“Enti kitai menang mayuh agi kerusi, Sarawak deka nyadi lebih kuat alu pinta kitai didinga Perintah Besai.

“Aku mega ulih berunding enggau Menteri, Datuk Seri Najib Tun Abdul Razak sentang hak Sarawak,” ku iya ba Pengerami Ketuai Begulai enggau Rakyat di Rumah Jana, Batu Mario, ditu.


Ba pengerami nya, Abang Johari ngungkupka belanja RM139.3 juta ngagai Pelilih Julau.

Ari penyampau nya, RM10 juta dikena ngaga Sungai Kanowit di Kubu Brooke-Sungai Meluan ke nyambung 13 buqh rumah panjani enggau tiga sekula dalam kandang endur nya.

RM21 juta agi dikena ngaga jalai ungkup Rumah Kedit Sungai Buloh–SK Ulu Entabai, Kemalih Julau, RM40.3 juta dikena ngangkatmanah Jalai Pakan, lalu RM18 juta ungkup jalai di Rumah Wilfred Uli ke Ulu Dayu, Pakan.

Kepala Menteri bisi ngungkupka RM50 juta dikena ngaga tiang telekomunikasi di Pelilih Julau. — DayakDaily

Share this article!