KUCHING, Jan 2: Presiden Gempung Gerempung Pengajar Bumiputera Sarawak (KGBS) Ahmad Malie nyukung penuh perambu ti deka ngengkahka dua iku pengajar dalam siti kelas.
“Gempung Gerempung Pengajar Bumiputera Sarawak (KGBS) nyambut manah langgur penemu Sapit Menteri Pelajar, Datuk Ching Sin Woon empai lama udah,” pia ku Malie.
Ba iya, enti deka nyadi menua maju, perintah patut serius berundingka langgur penemu ngengkah dua iku pengajar dalam siti kelas taja pan betapi enggau ungkus ke mar.
Ahmad dalam penerang media nya madah, KPM patut ngepunka pekara nya nengah chara berenggat nyema empai ulih ngaga nya serap.
Ba Malie, pengawa ngengkah dua iku pengajar dalam siti kelas, enti diperatika enggau penyampau nembiak dalam kelas ba sekula ke besai, sigi patut dipejalaika.
Ba pengawa negapka Pelajar Pendidikan Abad Ke-21 (PAK21) ngamika bisi pengasi, Jabatan Perkhidmatan Awam (JPA) patut neladan langgur penemu nya dikena ngangkatka prestasi pelajar menua ba abad baru. — DayakDaily
