Ketuka pengawa magi nembiak nitihka tikas pemandai, pengelandik

File photo for illustration purposes. ā€” DayakDaily.com file pic. // Photo: Pixabay

NILAI, Dis 27: Opis Menteri Pelajar kemari udah merintahka pengawa magi kelas nitihka tikas pemandai enggau pengelandik ba akademik bala nembiak diketuka.

Ketuai Pengarah Opis Pelajar, Datuk Dr Amin Senin, madah chara magi baka Peresa Tama ngagai Taun Satu patut diketu magang berengkah ari taun 2019.

ā€œPeresa nya ukai polisi pelajar, tang digaga sekula dikena ngangkatka pemutus akademik nitihka Gred Purata Sekula (GPS), ke nyadi petunjuk prestasi (KPI),ā€ ku iya.

Ku iya baru, pengawa magi nya ukai pekara ke meseti dikereja laban opis menteri ngarapka bala nembiak bulih pelajar ke mungkur semua pekara.

ā€œKami dekaka bala nembiak diajar mungkur semua pekara lalu ukai semina fokus ngagai pemujur pelajar aja.

ā€œBa kami, manah agi nyema bala nembiak nya ngembuan tikas pengelandik ba akademik enggau ke ngembuan pengelebih bukai ke bebida diselampur dalam kelas ke sama ngambika sida sama ulih besaup,ā€ ku iya ba aum media di Institut Aminuddin Baki ditu kemari.

Iya mega madahka diri udah minta Opis Pelajar Negeri ngetuka ā€œsekolah kawalanā€, ke alai bala nembiak disarap bepelasarka pemujur lumba enggau main, akademik enggau disiplin laban pekara nya enda setipak enggau polisi pelajar menua.

Nya alai iya ngarapka raban pengatur pengawa ba sekula beratika pekara nya sereta bekerejasama enggau opis menteri nerenak pekara ti setipak enggau polisi pelajar menua. ā€” DayakDaily