Ketuai JKKK diperansang nyereta program ngulihka Diploma

Datuk Amar Douglas Uggah Embas

SRI AMAN, Feb 3: Perintah negeri nyukung pengawa Opis usaha Menteri Pemansang Menua Pesisir enggau Kandang Menua (KKLW) ngangkatka kompetensi Komiti Pemansang enggau Pengelikun Genturung Pendiau (JKKK) muka dua program baru iya nya Diploma Pemansang Menua Pesisir enggau Diploma Eksekutif Pemansang Menua Pesisir ba UniKL enggau UCAM, pia ku Sapit Kepala Menteri Datuk Amar Douglas Uggah Embas.

Ku iya, nya sebagi ari pengawa strategik ngemansang modal mensia.

Ku iya, perintah ngarapka ketuai JKKK enggau ketuai pelapis ari negeri Sarawak ngambi peluang enggau ba program ke dibuka ba kedua-dua universiti nya.

Tambah iya, ketuai arap endar ke JKKK bejalaika pengawa nyadi ejen sereta mata enggau pending ba renggat nembiak redak.

“Nyadj ketuai ke pemadu semak enggau rayat, kaban JKKK ulih ngenegapka runding rayat ke alai perintah ke diatu ulih nyaga pemerat rayat kelebih agi di menua pesisir,” ku iya.


Uggah mega madahka bisi enam renggat seminar ketuai etnik enggau ketua raban bansa ke deka dipejalaika taun tu.

“Nya dikena nentuka ketuai ba renggat ke baruh di Sarawak amat ulih gawa nyadi ejen mai ubah ngagai menua pesisir,” ku iya. — DayakDaily

Share this article!