PUTRAJAYA, Julai 15: Siku ex-pemesai khas ngagai ex-menteri besai, Datuk Seri Najib Tun Razak ke diriman ngambika ulih mantu pansik bekaul sawa ngelimpang pengawa masang panel kuasa solar sekula di Sarawak, dilepaska Kort Majistret Putrajaya sehari tu.
Majistret Chyfica Mohamed Zamri ngemendarka lelaki nya dilepas enggau jamin sepenyampau RM16,000 enggau siku penyamin pengudah Opis Nagang Makai Suap Malaysia (SPRM) enda minta timpuh riman nya dilanjar.
Lelaki ke begelar 44 taun begelar ‘Datuk’ nya sebedau tu diriman enam hari kenyau ari Hari Dua nyin tadj ngambika kes nya ulih dipansik nengan Seksyen 49 Akta SPRM 2009.
Iya ditan kena Hari Satu nyin tadj pengudah dikangau datai ngagai indu opis SPRM ditu ngambika meri penerang.
Luyar ti ngarika iya, Ridha Abdah Subri, sama bisj datai ke kort sehari tu. — DayakDaily
