Kerejasama Bernama, RTM ulih ngangkatka pengawa ngenatai pemadah ngagai rayat

Gambar hiasan seorang kanak-kanak menonton tv. — DayakDaily.com file pic. // Photo: Pixabay

KUALA LUMPUR, Julai 2: Perambu kerejasama antara Gerempung Berita Nasional Malaysia (Bernama) nengah Bernama News Channel (BNC) enggau Radio Televisyen Malaysia (RTM) dipeda ulih ngangkatka produktiviti ba pengawa ngenataika pemadah ngagai rayat, kelebih agi ke bekaul enggau agenda sereta aspirasi perintah.

Ketuai Pegawai Eksekutif (CEO) Bernama Datuk Zulkefli Salleh madahka kedua-dua organisasi media nya ngembuan pengelandik dalam bidang diri ke alai Bernama ngasilka berita lalu RTM dalam bidang ngeluarka dokumentari enggau program.

“BNC ngasilka berita audio visual ngagai RTM lqlu RTM mantaika program enggau dokumentari ngabi dibantaika BNC. Bernama enggau RTM sama deka majak betan tang kerejasama nya bekaul pemansut di kedua-dua agensi digempung ngambika ulih ngangkatka kualiti produk,” ku iya pengudah ngenataika jaku pesan ba gempuru ninting bulan Bernama ditu, sehari tu tadi.

Zulkefli madah, perlkara nya ke dipelaba deka dikemujurka dalam timpuh enam bulan, diatu benung dikerandau ba renggat pemesai entara Bernama enggau RTM ke deka dipejurai ngagai Menteri Komunikasi enggau Multimedia Gobind Singh Deo pada minggu tu.

Hari empat nyin tadi, Gobind Singh madahka siti komiti deka ditumbuh ngambika mansik enggau silik agi perambu ngempung RTM lalu Bernama ke alai komiti nya nyengkaum bala ari mayuh penatai deka berati sereta berundingka perambu ngempung dua entiti media ari baru opis menteri nya.


Zulkefli lebuh ke bejaku ngelalau raban pengereja pengawa ngbi mantaika berita positif sentang polisi enggau program perintah ke deka nempa bansa ti ulih bebatak asur enggau pangan diri. — DayakDaily