SIBU, April 9: Tiga taun agi, Kapit deka disambung jalai alun.
Penyandang Parlimen Hulu Rajang Datuk Wilson Ugak Kumbong madahka ari baruh pegai Menteri Besai Datuk Seri Najib Tun Razak ke mega Chairman Barisan Nasional (BN) Pusat, iya mendingka pinta enggau sada rayat baka di Kapit.
Bejaku ba ‘Hari Permuafakatan dan Mesyuarat Agung’ Gerempung Apai Indai enggau Pengajar (PIBG) SMK Sibu Jaya, Wilson madahka ari baruh pegai Najib, Sarawak bulih mayuh projek perengkaguna baka projek Pan Borneo Highway.
Wilson madahka Najib dan Kepala Menteri Datuk Patinggi Abang Johari Tun Openg ti semampai bekerejasama ketegal deka meri pemaik ngagai rayat.
Wilson minta apai indai nurun ngundi sereta ngaga pilih ke betul ke pemaik pengidup bala anak sida jemah ila maya Pengawa Bepilih Besai Ke-14 (PRU14). — DayakDaily
