SIBU: Parti Sa’ati Rakyat Sarawak (SUPP) enggau Parti Rakyat Bersatu (UPP) majak angat berebutka sitak Parlimen Sibu ke nyadi tagit deka diambi untuk SUPP pulai pengudah dimenang DAP ba pengawa bepilih besai (PRU) ke-13.
Malam tadi gempuru mai kain rentang ke ditulis, “No father no son”, Tolak! Bapa dan anak”, “Sibu diempu chalun SUPP”.
Kain rentang nyata dipeda nguji nyeliahka pengawa dikereja Presiden UPP Datuk Seri Wong Soon Koh untuk ngangkatka anak iya empu, Andrew Wong.
Penganalisis politik madah, ari kerusi majoriti Cina ke bukai, Sibu kerusi pemadu mudah dimenang Barisan Nasional (BN).
“Nya kebuah kedua-dua piak nguji ngulihka kerusi nya,” ku iya seraya madah enti nitihka, Parlimen Sibu sigi diempu parti ke pemadu tuai di Sarawak.
Penganalisis mega melabaka ba pengawa bebatak asur dikena nentuka bisi pemaik entara SUPP-UPP, ketuai tetinggi BN nyangka deka netap Sibu diarika SUPP lalu Lanang diarika UPP.
Ku iya, enti isu ngagihka kerusi kelebih agi ungkup sitak parlimen Lanang enggau Sibu enda diputarka manah, dipelabaka ulah ngachau deka nyadi ba renggat baruh ti nekul peluang BN ngambi pulai kerusi nya. — DayakDaily
