KUALA LUMPUR, Julai 3: Kabinet baru perintah Pakatan Harapan (PH) mandangka integrasi pupu bansa negeri sereta ngakun orang indu di menua tu.
Ari 26 iku menteri enggau 23 sapit menteri, lima menteri ari bansa Cina, India (3), Kadazandusun (1), Lun Bawang (1) lalu kelebih nya (16) ari bansa Melayu. Dalam rintai sapit menteri tujuh ari sida nya bansa Cina lalu siku India.
Kelimpah ari nya, keterubah endar kabinet perintah besai diarika lima menteri wanita, nyengkaum Sapit Menteri Besai Datuk Seri Wan Azizah Wan Ismail enggau empat iku agi sapit menteri indu.
Penganalisis politik Prof Dr Nik Ahmad Kamal Nik Mahmood madahka penyereta ari pupu bansa enggau penempa dalam kabinet nya mega mandangka penaluk demokrasi kelimpah gempung parti politik nya menang ba Pengawa Bepilih Besai ke-14 (PRU14).
“Bebida penatai bansa enggau tikas pelajar nyadi elemen ke beguna amat laban nya nyadi oelasar ke manah sereta tegap ngagai menteri enggau sapit menteri bejalaika pengawa ke ngasi,” ku iya. — DayakDaily
